商城教室- DIY鋪地磚
鋪磚

鋪磚, 木1紋磚, 磁磚 必看

好多客人問我地自己鋪磚得唔得啊?要解答呢個問題,首先我地就要知道點樣鋪磚。以下落黎就會講解下鋪磚嘅程序同埋所用到既物料及底料,希望幫到大家,可以自行DIY。

泥水材料可分為「底料」和「面料」,底料是英泥和沙等,而面料就是磚瓦、石等等。

鋪地最常見既底料就係用英泥沙漿

英泥沙漿主要用途就係家居裝修、鋪磁磚、安裝窗戶封住窗框、修補牆身。家居牆身如果有牆洞,隙縫,又或者缺角,都可以用英泥沙修補。

鋪磚嘅程序 :

材料準備好就可以開工了,首先混合英泥沙,開英泥沙十分簡單,只需要準備沙、英泥和水就可以。
記住要徹底攪勻,顏色就會變成淺灰色,留意唔好太鬆散或者太硬。如果沙多左就會鬆散;而英泥太多,完成品就會太硬易有裂紋。

英泥沙漿,唔同師傅比例都有分別,不過唔會差太遠,比例:

1份英泥,4份沙,半份水;
1份英泥,3份沙,半份水的比例。

然後要用已攪勻既英泥沙,做成英泥沙漿,做法係將英泥沙中間挖一個圓形坑,好似一個火山口嘅形狀,加入清水及少量英泥寶(行內叫牛奶水)然後撈勻,攪拌到起膠狀就完成。

英泥沙漿做得好,就已經成功咗一半了。要完成得好就要把握時間同埋技巧,時間上:開完英泥沙漿,1小時內要用完,否則就會變硬失去黏力。

小技巧提示

用鐵鏟/灰匙/吸盤將英泥沙均勻鋪滿瓷磚背面,按壓可利用吸盤或找平器,調整瓷磚高低,盡量四邊角都平衡,可以利用水平器幫助確保鋪得更水平。

最後,磁磚鋪好就等英泥砂漿乾固好,就可以落掃口粉 ( 掃口粉配色方面一般做法都跟木紋磚顏色配差不多色又淺一點的) ,掃口粉好似奶粉咁加水開稀,用灰匙塗上磚與磚中間嘅罅隙,等待30分鐘左右用水清洗多餘再磚面的掃口粉就可以,可用百潔布幫手清洗。 二十四小時後掃口粉就會乾固。
不管是不是無縫磚,都有必要留罅隙以防熱脹冷擠裂釉面。

鋪地磚嘅工序,就已經完成咗啦

係咪好簡單呢? 如果覺得都係唔簡單,我哋仲有一個方法,就係搵我哋裝修商城嘅專業師傅幫你鋪磚,咁就萬無一失啦。

觀塘觀塘道404號時運工業大廈4樓B室(APM 步行3分鐘)
營業時間:11:00- 19:00 

商城VR展覽廳:

【傢私潔具専門店 – 12樓】https://pse.is/3wults

【磁磚専門店 – 4樓B室】https://pse.is/3y66gw

【大門専門店- 9樓F室】https://pse.is/3vgpua

4樓Youtube介紹片段:https://youtu.be/OYJT-wJcxaE

網址: www.decomall.hk

歡迎報價及查詢
若想了解更多詳細服務內容 歡迎 Whatsapp查詢
Facebook :
https://www.facebook.com/decomall.hk 

即刻電話/whatsapp 5922 9488 同我地啦